کشمیر میں پولیس ٹرک پر علیحدگی پسندوں کے حملے میں 6 اہلکار ہلاک

مہر خبررساں ایجنسی نے کشمیر ذرائع کے حوالے سے نقل کیا ہے کہ ہندوستان کے زیر انتظام کشمیر میں پولیس ٹرک پر علیحدگی پسندوں کے حملے میں 6 پولیس اہلکار ہلاک اور متعدد زخمی ہو گئے ہیں۔ اطلاعات کے مطابق پولیس ٹرک پر حملہ  کشمیر کے ضلع اننت ناگ میں اس وقت کیا گیا جب پولیس اہلکار معمول کے مطابق گشت پر تھے، حملہ آوروں نے پولیس کی گاڑی کو روک کر اندھا دھند فائرنگ کر دی جس کے نتیجے ٹرک میں سوار ایس ایچ او سمیت 6 پولیس اہلکار ہلاک اور متعدد زخمی ہو گئے جن میں سے بعض کی حالت تشویش ناک بتائی جاتی ہے۔ فائرنگ کے واقعہ کے بعد پولیس اور سکیورٹی فورسز کی بڑی تعداد نے علاقے کو گھیرے میں لیکر حملہ آوروں کی تلاش کے لیے سرچ آپریشن شروع کردیا۔